«Amets-leihoak» bildumaren barruan, iraupen labur, ertain zein luzeko piezak aurkezten ditugu, haur zein helduek osatutako publiko baten aurrean formatu txiki, ertain edo handiko espazioetan emateko sortuak. Obra hauek nabarmentzen dira: Eskalapoi, Ehunzangoa, Axeri, Marixe, Herensugea, Txoria txori, Aintzina, Buba eta Bubu, Lau aro eta Bonbolontena; herrialdeko aretoetan eta nazioarteko hainbat jaialditan emandako piezak dira guztiak. Haurraren heltze-bidearen barruan irudiak eraiki: sortu, komunikatu eta pentsatu. Zentzumenen hautematera zuzentzen gara, jakin-minera, emozioetara, ametsen alderdirik ezkutu eta sakonenetara.